Prishtinë, 27 janar 2005

Duke vazhduar aktivitetin e saj edhe në 2005, Qendra Kombëtare për Transfuzion të Gjakut do të jetë mysafire në Raiffeisen Bank. Kështu të premten,më 28 janar duke filluar në ora 09.00, ekipi i Qendrës për Transfuzion të gjakut do të vendoset në lokalet e Raiffeisen Bank dhe me këtë rast do të marr gjak nga punëtorët e Raiffeisen Bank që janë paraqitur në mënyrë vullnetare.

"Është kënaqësi edhe për mua edhe për stafin tim që sado pak të kontribuojmë në grubullimin e gjakut i cili mund të shpëtojë jetën e njeriut. Mirëpo, nuk mjafton vetëm tani të dhurojmë gjak por ne duhet të jemi dhurues të rregull sepse vetëm në këtë mënyrë mund ta ndihmojmë qendrën për transfuzion të gjakut." tha Oliver Whittle, drejtor general i Raiffeisen Bank.

"Unë jam i kënaqur me gatishmërinë e të gjithë qytetarëve dhe institucioneve për të dhuruar gjak. Mirëpo kërkesat për gjak po rriten për çdo vit si rezultat i operacioneve të shumta që po bëhen në spitalet tona, si dhe përparimeve të shumta në trajtimin e pacientëve. Prandaj ne kemi nevojë që të paraqiten sa më shumë dhurues vullnetarë", tha Mazllum Belegu dhe vazhdoi duke sqaruar se cdo dhënje e gjakut të plotë është prej 250-450 ml, varësisht prej gjendjes së përgjithshme shëndetësore dhe peshës trupore. "Trupi i njeriut, natyrisht, e kompenzon gjakun e dhuruar për një kohë shumë të shkurtër." përfundoi Mazllum Belegu.

Shërbimi i Transfuzionit të Gjakut këtë vit mbush 54 vite të punës së pandërprerë. Gjatë këtyre viteve është bërë zhvillimi i Transfuzionit varësisht nga kushtet. Pas luftës Transfuzioni ka marr hov, si rezultat i Trajnimeve nëpër Qendra të ndryshme Evropiane.

Për më shumë informacione, ju lutem kontaktoni z. Skender Abazin, Menaxher i shërbimit për marketing në Qendrën e Transfuzionit të Gjakut në numrin e telefonit 038 / 542 839 dhe 044 152 928.