Si pjesë e kujdesit tuaj antenatal, një mostër e gjakut tuaj mirret dhe bëhen disa teste të nevojshme për shëndetin tuaj dhe shëndetin e foshnjës suaj, gjatë shtatëzënisë.
Ky informatorë ju shpjegon rëndësinë dhe vlerat e këtyre testeve.
Ju lutemi keni durim dhe lexoni këtë informatorë dhe për çdo pyetje që do të keni pastaj, drejtoniu mjekut tuaj, këshilltares gjinekologjike apo seksionit për mbrojtjen antenatale të Qendrës Kombëtare të Transfuzionit.

CAKTIMI I GRUPIT TË GJAKUT

Kjo ju tregon se cilit grup të gjakut i takoni:

a)  Nëse i takoni grupit të gjakut A, B, AB apo O.
b)  Nëse gjaku juaj është Rhesus Pozitiv apo Rhesus Negativ, dhe
c)  Nëse në gjak ekzistojnë antitrupa të pahulumtuar si rezultat i ndonjë transfuzioni të . marrur më parë apo nga vetë shtatëzënia.

Nëse ju jeni Rhesus Negativ, ju duhet të kërkoni të dini a duhet të merrni një injeksion të quajtur "Anti-D" nëse keni pasur tretman të posaqëm gjatë shtatëzënisë. Ky injeksion gjithashtu mund tu jepet edhe pas lindjes.

HEPATITI B

Ky është një virus i cili e infekton mëlqinë dhe i cili mund të jetë në gjak për shumë vite pa shfaqur asnjë shenjë të sëmundjes.

Qendra Kombëtare e Transfuzionit rekomandon që çdo grua shtatëzënë duhet të testohet për këtë virus, sepse nëse nëna e ka këtë virus, infeksioni mund të bartet te i posalinduri. Imunizimi mund të filloj prej lindjes, për të parandaluar infeksionin e këtyre foshnjave dhe ti lejojnë ato të rriten si fëmijë të shëndoshë.

HIV

Edhe pse ky lloj i infeksionit nuk është shumë i përhapur tek ne, ky mund të shfaqet duke mos pasur asnjë lloj simptomi specifik të sëmundjes në fazën e hershme të infeksionit dhe mund të bartet nga nëna te i posalinduri gjatë shtatëzënisë, gjatë lindjes apo edhe gjatë ushqimit të fëmijës me gji.

Bartja e infeksionit nga nëna te fëmija mund të parandalohet me identifikimin e hershëm të këtij infeksioni. Qendra Kombëtare e Transfuzionit rekomandon këtë test si test rutinor dhe inkurajimin e çdo femre të bëjnë këtë test. HIV negativ testi nuk do të thotë që kërkesat tuaja për siguri në të ardhmen të ndërpriten. Siguria duhet çdoherë të jetë prezente.

SIFILISI

Kjo sëmundje tash është mjaft e rrallë. Megjithatë, ne e rekomandojmë sepse nëse ekziston dhe nuk trajtohet, mund ta rrezikojë seriozisht foshnjën.Mjekimi i nënës me penicilin mund ta ketë nën kontrollë infeksionin dhe mbrojë foshnjën nga zhvillimi i pasojave serioze që mund ti shkaktohen.

V I N I R E:

Nëse ndonjëri prej këtyre testeve jep rezultat pozitiv dhe tregon për ndonjë problem shëndetësorë, ju do tu jepen të gjitha informacionet e duhura në mënyrë që të keni mundësi për trajtim të mirëfilltë. Të gjitha këto do të jenë me respekt dhe këshilla në një mirëbesim të plotë dhe të sinqertë.

NËSE KENI NDONJË PYETJE APO SHQETËSIM RRETH KËTYRE TESTEVE, JU LUTEMI KONTAKTONI DHE KONSULTONI MJEKUN APO KËSHILLTAREN ANTENATALE NË KLINIKË APO NË QENDRËN KOMBËTARE TË TRANSFUZIONIT